Miðsumarrallý BÍKR 2012

Nú í nótt var haldið Miðsumarrallý BÍKR 2012. Var keppnin, eins og flestir vita, keyrð um Kaldadal, inn að Surtshelli og um Uxahryggi. Tólf bílar hófu keppni og var allt fram á síðustu sérleið útlit fyrir að allir myndu komast í mark. Tveir bílar heltust úr lestinni á Uxahryggjum, vona ég að þeim gangi betur næst.

Vil ég þakka öllum þeim sem hjálpuðu mér með ráðum og dáðum, vitneskju og lagni við undirbúning og framkvæmd keppninnar. Fyrir hönd keppnisstjórnar og BÍKR vil ég einnig þakka öllum keppendum fyrir þátttökuna, sem og öllu því góða starfsfólki sem lagði hönd á plóg og gerði þessa keppni að veruleika. Án góðra starfsmann er ekki hægt að halda keppni!

Takk fyrir mig.

Guðný Guðmarsdóttir

keppnisstjóri

Tímana má finna á síðunni http://tryggvi.org/rallytimes/?RRComp=28&RRAction=9

Heildarúrslit eru þau að í 1 sæti urðu þeir Sigurður Bragi Guðmundsson og Ísak Guðjónsson. Í 2. sæti urðu Hilmar B. Þráinsson og Dagbjört Rún Guðmundsdóttir, 3. sæti þeir Guðmundur Snorri Sigurðsson og Guðni Freyr Ómarsson.

Í flokki Non-turbo sigruðu þeir Baldur Haraldsson og Aðalsteinn Símonarson. Í 2. sæti urðu þeir Guðmundur Höskuldsson og Witek Bogdanski og í 3. sæti Baldur Arnar Hlöðversson og Hjalti Snær Kristjánsson.

Miðsumarrallý BÍKR 2012 - Upplýsingaskýrsla 2

Miðsumarrallý BÍKR 2012 - Upplýsingaskýrsla 2

Keppnisskoðun mun fara fram fimmtudaginn 28. júní klukkan 18:00 í húsnæði Frumherja að Hesthálsi. Vakin er athygli á að samkvæmt reglum um rallýkeppnir skulu keppendur mæta til öryggsiskoðunar á tilgreindum tíma eða fá ekki rásheimild ella. Jafnframt eru keppendur minntir á að hafa með sér alla nauðsynlega pappíra, s.s keppnisskírteini og tryggingaviðauka.

Ræsing á fyrstu ferjuleið verður á plani Skeljungs við Vesturlandsveg kl. 22.00 föstudaginn 29. júní 2012.

Keppnisstjórn skipa: Guðný Guðmarsdóttir –  keppnisstjóri,  Þórður Bragason – aðstoðarkeppnisstjóri, Þorkell Símonarson – brautarstjóri, Jón Þór Jónsson – leyfastjóri, Árni Óli Friðriksson – starfsmannastjóri.

Skoðunarmaður og öryggisfulltrúi: Hjalti Bjarnfinnsson.

Dómnefnd: Tryggvi M. Þórðarson – ÍSÍ/LÍA, Marian Sigurðsson – BÍKR, - Rúnar Gíslason – BS.

Rásröð Miðsumarrallý BÍKR 2012

Miðsumarrallý 2012 - Upplýsingaskýrsla 1

Breyting hefur orðið á tímasetningu keppnisskoðunar en hún verður fimmtudaginn 28. júní klukkan 18:00. Staðsetning verður uppgefin síðar.

Hér má sjá leiðarlýsingu Miðsumarrallsins ásamt tímamaster. Er hvort tveggja birt með fyrirvara um leyfi veghaldara. Vegna þessa fyrirvara er keppendum bent á að skoða einnig leiðina um Tröllháls.

Þar sem þjónustubann er samkvæmt leiðarlýsingu eru þjónustubílar óheimilaðir. Brot á slíku banni varðar brottvísun úr keppni.

Kærugjald er 25.000 kr. vegna annarra atriða en útbúnaðar keppnisbifreiða.

Leiðarlýsing Miðsumarrallý BÍKR 2012

Að sérleið 1:

Ekið er sem leið liggur frá rásstað í Reykjavík um Mosfellsbæ. Síðan veg 36 til Þingvalla, beygt til vinstri inn á veg 52 og áfram inn á veg 550. Eknir eru 650 metrar þangað til að komið er framhjá gatnamótum við veg F338.

Sérleið 1:

Ekið um Kaldadalsveg nr 550 frá gatnamótum við veg F338 að gatnamótum við veg 518.

Ferjuleið að sérleið 2:

Beygt er til hægri á gatnamótum vega 550 og 518. Eknir eru 3.9 km eftir vegi 518, beygt er til hægri inn á veg 578, Arnarvatnsveg.

Sérleið 2:

Ekið er eftir vegi 578 frá gatnamótum við veg 518 inn að Surtshelli.

Ferjuleið að sérleið 3:

Snúið við á plani við Surtshelli. Á þessarri ferjuleið er óheimilt að gera við nema með þeim áhöldum sem í keppnisbílnum eru, þjónustubann er á þessari ferjuleið.

Sérleið 3:

Sérleið 2 ekin til baka.

Ferjuleið að sérleið 4:

Beygt er til vinstri inn á veg 518, eknir 3.9 km eftir þeim vegi. Beygt til vinstri inn á veg 550.

Sérleið 4:

Ekið er um Kaldadalsveg nr 550 að gatnamótum við veg F338.

Ferjuleið að sérleið 5:

Ekið c.a. 650 m suður veg 550, beygt til hægri inn á veg 52. Á þessarri ferjuleið er óheimilt að gera við nema með þeim áhöldum sem í keppnisbílnum eru, þjónustubann er á þessari ferjuleið.

Áhöfnum er heimilt að fylla á bensín, keppnisstjórn mun koma eldsneyti á svæðið fyrir þá sem þess óska.

Sérleið 5:

Ekinn vegur 52 u.þ.b. 11 km frá gatnamótum við veg 550 niður að rimlahliði við Þverfell.

Ferjuleið að endamarki:

Ekið niður Lundarreykjadal um veg 52, beygt til vinstri inn á veg 50. Á Seleyri er beygt til hægri inn á veg 1 sem lið liggur að Olís í Borgarnesi.

Hægt er að fá tímamaster sendan á pdf-formi í tölvupósti.